Oct 26,2021 20:30

ముంబయి: టీమిండియా హెడ్‌కోచ్‌ పదవికి భారత మాజీ క్రికెటర్‌, మిస్టర్‌ డిపెండబుల్‌ రాహుల్‌ ద్రావిడ్‌ దరఖాస్తు చేశాడు. ద్రావిడ్‌ ప్రస్తుతం బెంగళూరులోని నేషనల్‌ క్రికెట్‌ అకాడమీలో పూర్తిస్థాయి కోచ్‌ బాధ్యతలను నిర్వర్తిస్తున్నాడు. ఇటీవల బిసిసిఐ కోచ్‌ పదవికి ద్రావిడ్‌ సరైనోడని తేల్చి చెప్పినా.. తొలుత నిరాకరించిన ద్రావిడ్‌.. ఆ తర్వాత కోచ్‌గా ఉండేందుకు సుముఖత వ్యక్తం చేశాడు. కోచ్‌ పదవికి దరఖాస్తు చేసుకొనేందుకు నేటితో ఆఖరిరోజు కాగా.. చివరిరోజు తన దరఖాస్తును పంపించాడు. ఇక టీమిండియా ప్రస్తుత కోచ్‌ రవిశాస్త్రి పదవీ కాలం టి20 ప్రపంచకప్‌ అనంతరం ముగియనుంది. న్యూజిలాండ్‌ జట్టు భారత పర్యటనకు నవంబర్‌లో రానుంది. ఆ పర్యటననుంచి భారత క్రికెటర్‌ సీనియర్‌ పురుషుల జట్టుకు కోచ్‌గా ద్రావిడ్‌ ఉండనున్నాడు. టీమిండియా కోచ్‌ పదవికి ద్రావిడ్‌తోపాటు మరికొన్ని దరఖాస్తులు అందినా.. బిసిసిఐ అడ్వైజరీ కమిటీ ద్రావిడ్‌వైపే ఎక్కువగా మొగ్గు చూపే అవకాశముంది.
బౌలింగ్‌ కోచ్‌ రేసులో మాంబ్రే