ప్ర‌పంచ‌వ్యాప్తంగా సినిమా ప్రేక్ష‌కులు ఎదురుచూస్తున్న చిత్రం పుష్ప-2 ది రూల్. పుష్ప ది రైజ్‌తో ప్ర‌పంచ సినీ ప్రేమికుల‌ను అమితంగా ఆక‌ట్టుకోవ‌డ‌మే ఇందుకు కార‌ణం. ఈ చిత్రంలో ఐకాన్‌స్టార్ న‌ట‌న‌కు, బ్రిలియంట్ డైరెక్ట‌ర్ సుకుమార్ ద‌ర్శ‌క‌త్వ ప్ర‌తిభ‌కు అంద‌రూ ఫిదా అయిపోయిన సంగ‌తి తెలిసిందే. ఈ ఇద్ద‌రి క‌ల‌యిక‌లో రాబోతున్న పుష్ప-2 ది రూల్‌పై ప్ర‌పంచ‌వ్యాప్తంగా ఆకాశ‌మే హ‌ద్దుగా అంచ‌నాలు వున్నాయి. అయితే పుష్ప ది రైజ్ చిత్రంలో శ్రీ‌వ‌ల్లిగా న‌టించి త‌న న‌ట‌న‌తో అంద‌ర్ని అల‌రించి నేష‌న‌ల్ క్ర‌ష్‌గా మారిపోయిన రష్మిక మందన్న పాత్ర పుష్ప-2 ది రూల్‌లో త‌న‌దైన ప‌ర్‌ఫార్మెన్స్‌తో ఆక‌ట్టుకోబోతుంది. ఈ రోజు రష్మిక మందన్న పుట్టిన‌రోజు సందర్భంగా పుష్ప -2లో ఆమె పాత్ర గెట‌ప్‌ను రివీల్ చేస్తూ ఓ స్ట‌నింగ్ పోస్ట‌ర్‌ను వ‌దిలారు మేకర్స్. ఈ పోస్ట‌ర్ చూసిన వాళ్లంతా రష్మిక ఈ చిత్రంలో ప‌వ‌ర్‌ఫుల్‌గా క‌నిపించ‌బోతుంద‌ని అంటున్నారు. ఏప్రిల్ 8న ఐకాన్‌స్టార్ అల్లు అర్జున్ పుట్టిన‌రోజు సందర్భంగా ఈ చిత్రం టీజ‌ర్‌ను విడుదల చేస్తున్న‌ట్లుగా ప్రకటించిన సంగ‌తి తెలిసిందే. ఈ సంవ‌త్స‌రం ఆగస్టు 15న స్వాతంత్ర దినోత్సవ సందర్భంగా ఈ చిత్రాన్ని వరల్డ్ వైడ్ గా విడుదల చేయనున్నట్టు ప్రకటించిన సంగ‌తి తెలిసిందే.
నటీనటులు:
అల్లు అర్జున్, రష్మిక మందన్న, ఫహాద్ ఫాజిల్, ధనుంజయ్, సునీల్, అనసూయ భరద్వాజ్ తదితరులు
టెక్నికల్ టీం: కథ-కథనం-దర్శకత్వం: సుకుమార్.బి
నిర్మాతలు: నవీన్ ఏర్నేని, వై రవిశంకర్
సినిమాటోగ్రఫర్: మిరోస్లా క్యూబా బ్రోజెక్
సంగీతం: దేవి శ్రీ ప్రసాద్
ప్రొడ‌క్ష‌న్ డిజైన‌ర్: S. రామకృష్ణ – మోనిక నిగొత్రే
లిరిసిస్ట్: చంద్రబోస్
సీఈఓ: చెర్రీ
బ్యానర్స్: మైత్రి మూవీ మేకర్స్ అసోసియేషన్ విత్ సుకుమార్ రైటింగ్స్
