పుడమి మీద మొక్క లేదు
పురములందు గాలి లేదు
పులుగు రెక్కలాడలేదు
పురుగు పుట్రా కానరాదు!
పులకరింత సుంతలేదు
పుడక కాల్చ మిగలలేదు
పురుషయత్నమేమి లేదు
పూతలేక హరితమేది ?
పులుపు, తీపి పండ్లు లేవు
పురుడాడిన మొలక లేదు
పుట్ల కొలది పండు పంట
పుడిసెడైన కానరాదు !
పులులు లేవు గిలులు లేవు
పుట్టబోవు జీవులేవి
పుండైనది ధరణి నేడు
పుటలు వ్రాయ చరితలేదు
పుచ్చపూల మేఘమేది ?
పులకిత జీవనమెయ్యది ?
పురోగమన మనుపేరున
పుట్ట, గట్టు ప్లాటులయ్యె !
పురాణాలు నాడు వనులు
పుంజుకొన్న కథలు గలవు
పుత్తడి బతుకులు బతికిరి
పుస్తకములు లేని నాడు !
పుష్పాలై విరబూద్దాం
పునీతులుగ చరించుద్దాం
పుడమిని రక్షించుకొనుట
పుట్టువులుగ మనధర్మం !
– కిలపర్తి దాలినాయుడు,సాంఘిక శాస్త్ర ఉపాధ్యాయుడు,రామభద్రపురం.
