రెక్కలు ముక్కలు
చేసుకోవాలి
చెమట బిందువులు
పారించాలి
కూలీనాలి దొరకనప్పుడు
పస్తులుండాలి
కుళాయి నీళ్ల కోసం
కొట్టుకు చావాలి
మురికి కూపంతో
సావాసం చేయాలి
పని పాటల కోసం
ఎదురు చూడాలి
దినసరి భత్యం కోసం
దేవుళ్లాడాలి
ఎంత దూరమైన
పని కోసం వెళ్లి తీరాలి
ఎంతటి కష్టమైన
చేసి తీరాలి
మాయదారి
బతుకులంటూ వగచాలి
మా ‘నుదిటి రాతలు’
ఇంతేనని సరిపెట్టుకోవాలి
గుప్పెడు మెతుకుల కోసం
వలస బాట పట్టాలి
నేటి పాలకుల ‘పుణ్య’మిది.
- గాదిరాజు రంగరాజు /న్యూ జెర్సీ నుండి/