నిలకడగా ఆరోగ్య పరిస్థితి
పూణే : మాజీ రాష్ట్రపతి ప్రతిభా పాటిల్ అనారోగ్యంతో ఆసుపత్రిలో చేరారు. మహారాష్ట్రలోని పూణే నగరంలోని ఆసుపత్రిలో జ్వరం, ఛాతీ ఇన్ఫెక్షన్ చికిత్స పొందుతున్నారు. ఆమె పరిస్థితి నిలకడగా ఉందని గురువారం అధికారులు తెలిపారు.
“మాజీ రాష్ట్రపతి ప్రతిభా పాటిల్ గత రాత్రి ఆసుపత్రిలో చేరారు. ఆమెకు జ్వరంతో పాటు ఛాతీలో కొంత ఇన్ఫెక్షన్ ఉంది. ఆమె ఆరోగ్య పరిస్థితి నిలకడగా ఉంది. ఆమె చికిత్సలో ఉంది. ఆమె ఆరోగ్య పరిస్థితిని వైద్యులు నిశితంగా పరిశీలిస్తున్నారు” అని ఆసుపత్రికి చెందిన సీనియర్ అధికారి ఒకరు తెలిపారు. భారత రాష్ట్రపతిగా పనిచేసిన మొదటి మహిళ పాటిల్. ఆమె 2007 నుండి 2012 వరకు అత్యున్నత రాజ్యాంగ పదవిలో ఉన్నారు.
