ఆంధ్రప్రదేశ్‌లోని విశాఖపట్నం నుండి 108 కి.మీ దూరంలో.. నర్సీపట్నం నుండి 25 కి.మీ దూరంలో ఉంది ఎర్రవరం జలపాతం. ఎర్రవరం గ్రామంలో ఉన్న ఒక సుందరమైన జలపాతం ఇది. నర్సీపట్నం-చింతపల్లి రోడ్‌లో ఉన్న ఇది పర్యాటకులను మంత్రముగ్ధుల్ని చేసే జలపాతాలలో ఒకటి. లంబసింగి ఎర్రవరం జలపాతంలో భాగంగా తప్పక చూడవలసిన ప్రదేశం. ఇది పచ్చని పచ్చిక బయళ్లకు ప్రసిద్ధి చెందిన అందమైన లోయ. ఈ ప్రాంతంలో ఉత్కంఠభరితమైన దృశ్యాలు, విస్తృత పచ్చికభూములు ఉన్నాయి. ఈ జలపాతం 10 అడుగుల ఎత్తు,15 అడుగుల వెడల్పుతో విస్తరించి ఉంది. నీరు వేర్వేరు క్యాస్కేడ్లలో పడిపోయి, దిగువన ఒక కొలనుని ఏర్పరుస్తుంది. ఇది ఏడాది పొడవునా ఉండే జలపాతం. కొండ ఎక్కడానికి ఆసక్తి ఉన్న వారికి ఇది ఉత్తమమైన ప్రదేశం.
