'కెటలిన్‌ ఒహాషి : ది పర్ఫెక్ట్‌ 10'.... మీరు ఈపాటికే చూసి ఉంటారీ 2 నిమిషాల వీడియోని. అమెరికాకు చెందిన కాలేజీ జిమ్నాస్ట్‌ కెటలిన్‌ ఒహాషి అద్భుతమైన ఫ్లోర్‌ రొటీన్‌తో అదరగొట్టేసి ఇంటర్‌నెట్‌ని ఊపేస్తుంటుంది. ఈమధ్యే జరిగిన ఉక్లా అథ్లెటిక్స్‌లో ఆమె మరోసారి సంచలనం సృష్టించింది. ఎంతో సరదాగా ఫీట్లు చేస్తూ జడ్జిల మతిపోగొట్టింది. అంతే.. పదికి పది మార్కులు వేసేశారు. ఇదో రికార్డు..! అసాధ్యమనే 5 ఫ్లిప్స్‌ని చేసి తోటి క్రీడాకారిణిల్ని ఉర్రూతలూగించింది. ఆ ప్రదర్శనలో ఉన్న ప్రతి ఒక్కరూ ఆమెకు ఫ్యాన్స్‌ అయిపోవడం ఒక ఎత్తయితే, ఇప్పుడు ఆ పర్ఫెక్ట్‌ 10 వీడియో సోషల్‌ మీడియాలో విపరీతంగా వైరల్‌ అవుతోంది. అంతకుముందు కూడా ఇలానే మైకేల్‌ జాక్సన్‌ మెడ్లీ నేపథ్యంలో చేసిన జిమ్నాస్టిక్స్‌తో వైరల్‌ అయ్యింది. వెన్ను, భుజాల ఎముకలు విరగడంతో ప్రధాన స్థాయి నుంచి తప్పుకున్నా ఇప్పుడీ వీడియోతో ప్రపంచస్థాయికి ఆమె ప్రతిభ చేరింది. మళ్లీ మళ్లీ ఆమె ఫీట్లని చూడాలనే ఎక్స్‌ ఫ్యాక్టర్‌యేదో ఆ ప్రదర్శనలో ఉంది. ఇప్పటికీ చూడకపోతే ఓసారి చూసి చెప్పండి.