సియోల్‌: ద.కొరియాతో కలిసి నిర్వహించాలని ప్రతిపాదించిన సంయుక్త సైనిక విన్యాసాలను వాయిదా వేయాలన్న అమెరికా నిర్ణయాన్ని తాము పరిగణనలోకి తీసుకోవటం లేదని ఉ.కొరియా మంగళవారం ప్రకటించింది. అమెరికా ఈ సైనిక విన్యాసాలను పూర్తిగా రద్దుచేసి, తమ దేశంపై కొనసాగిస్తున్న నిర్బంధాన్ని తొలగించటంతోపాటు అణు చర్యలను పునరుద్ధరించాలని తాము కోరుతున్నట్లు ఉ.కొరియా సీనియర్‌ నేత కిమ్‌ యోంగ్‌ చోల్‌ ఒక మీడియా సంస్థకిచ్చిన ఇంటర్వ్యూలో చెప్పారు. ఉ.కొరియాతో సుహృద్భావ చర్యగా ద.కొరియాతో కలిసి తాము తలపెట్టిన వార్షిక సైనిక విన్యాసాలను వాయిదా వేస్తున్నట్లు అమెరికా రక్షణ మంత్రి మార్క్‌ ఎస్పర్‌ చేసిన ప్రకటనపై ప్రతిస్పందిస్తూ ఉ.కొరియా నేత కిమ్‌ ఈ వ్యాఖ్యలు చేశారు.
సైనిక విన్యాసాల వాయిదా నిర్ణయాన్ని కొట్టిపారేసిన ఉ.కొరియా
