అమ‌రావ‌తి: విభజన హామీల్లో ఏ ఒక్కటీ పూర్తిగా అమలు చేయలేదని, దీనిపై తక్షణమే అఖిలపక్ష సమావేశం ఏర్పాటు చేయాలని ఆంధ్రప్రదేశ్ రాష్ట్ర సీపీఐ కార్యదర్శి రామకృష్ణ సీఎం జగన్ కు లేఖ రాశారు. విభజన హామీలపై పార్లమెంట్ సమావేశాల్లో కేంద్రాన్ని నిలదీయాలని వైసీపీ ఎంపీలకు సీఎం జగన్ చెప్పడం హర్షణీయమన్నారు. 2014-15 లోటు బడ్జెట్ నిధులను కేంద్రం ఇప్పటి వరకు ఇవ్వలేదని, వెనుకబడిన ఉత్తరాంధ్ర, రాయలసీమకు ఇవ్వాల్సిన నిధుల్లో కోత విధించిందని, ప్రత్యేక హోదా ముగిసిన అధ్యాయమని బీజేపీ నేతలు చెబుతున్నారని దీనిపై అఖిలపక్ష సమావేశం ఏర్పాటు చేయాలని లేఖలో కోరారు. అందరి సహకారంతో పార్లమెంట్ సమావేశాల్లో కేంద్రంపై ఒత్తిడి చేయాలన్నారు.
అఖిలపక్ష సమావేశం ఏర్పాటు చేయండి : రామకృష్ణ
