విజయవాడ : వర్షాలు సమృద్ధిగా కురిసి రాష్ట్రం సస్యశ్యామలంగా ఉండాలని ఆకాంక్షిస్తూ విజయవాడలోని దుర్గా మల్లేశ్వరస్వామి దేవస్థానం ఆధ్వర్యంలో వరుణ యాగం నిర్వహించనున్నట్టు ఈవో కోటేశ్వరమ్మ తెలిపారు. యాగానికి సంబంధించిన వివరాలను ఆమె వెల్లడించారు. ఈ నెల 20 నుంచి 24 వరకూ నిర్వహించతలపెట్టిన వరుణయాగంలో 20 - 22 వరకూ ఉదయం 6 - 8 గంటల వరకూ దేవస్థానానికి చెందిన అర్చకులు పారాయణం నిర్వహించనున్నారు. 23న ఉదయం 7-11 గంటల వరకూ మండప ఆరాధనలుంటాయని, 24న ఉదయం 6-11 వరకూ సహస్ర ఘటాభిషేకం జరుగుతుందని కోటేశ్వరమ్మ తెలిపారు.
20 నుంచి 24 వరకూ విజయవాడ దుర్గ గుడిలో వరుణయాగం
