నిజామాబాద్ : నిజామాబాద్ జిల్లా ఎడపల్లి మండలంలో జరిగిన ఘోర రోడ్డు ప్రమాదంలో నలుగురు మృత్యువాతపడ్డారు. మరొకరి పరిస్థితి విషమంగా ఉండటంతో హైదరాబాద్ కు తరలించారు. ఎడపల్లి మండలంలోని కుర్నాపల్లి దర్గా నుండి జానకంపేట వైపు ఐదుగురు ప్రయాణికులతో వస్తున్న ఆటోను కారు ఢీ కొట్టింది. ఈ ప్రమాదంలో ఐదుగురికి తీవ్ర గాయాలయ్యాయి. తీవ్రంగా గాయపడిన క్షతగాత్రులను జిల్లా ఆస్పత్రికి తరలించగా నలుగురు మృతి చెందారు. మృతులు జానకంపేట గ్రామానికి చెందిన బాలమణి, మంగలి సాయి లు, గంగవ్వ, కల్యా పూర్ సాయిలు లు ఉన్నారు. ఆటో డ్రైవర్ నయీమ్ పరిస్థితి విషమంగా ఉండటంతో మెరుగైన వైద్యం కోసం హైదరాబాద్ కు తరలించారు.
రోడ్డుప్రమాదంలో నలుగురు మృతి
