హైదరాబాద్ : తెలంగాణ ఆర్టీసీ రూట్ల ప్రైవేటీకరణ విషయమై విచారణ జరుపుతున్న హై కోర్టు దాన్ని సోమవారానికి వాయిదావేసింది. దీంతో రూట్ల ప్రైవేటీకరణపై కోర్టు ఇచ్చిన స్టే కొనసాగుతోంది. రూట్ల పర్మిట్లకు సంబంధించి కేబినెట్ తీసుకున్న నిర్ణయాన్ని అడ్వొకేట్ జనరల్ కోర్టుకు సమర్పించారు. మంత్రిమండలి నిర్ణయాన్ని రహస్యంగా ఉంచాల్సిన అవసరం ఏముందని కోర్టు ఈ సందర్భంగా ప్రశ్నించింది. దీనిపై జీవో వచ్చిన తరువాత ప్రభుత్వ నిర్ణయాన్నీ ప్రజలకు అందుబాటులో ఉంచుతామని ఏజీ తెలిపారు. ఈ కేసులో కేంద్ర ప్రభుత్వాన్ని కూడా ప్రతివాదిగా చేర్చాలని కోర్టు నిర్ణయించింది.
రూట్ల ప్రైవేటీకరణపై విచారణ సోమవారానికి వాయిదా
