ఇండోర్: మధ్యప్రదేశ్ లోని ఇండోర్ స్టేడియంలో బంగ్లాదేశ్-భారత్ మధ్య జరుగుతున్న తొలి టెస్ట్ మ్యాచ్ లో భారత బౌలర్లు రెచ్చి పోయారు. పేసర్ల ధాటికి బంగ్లా బ్యాట్స్ మెన్ తలవంచారు. తొలి ఇన్నింగ్స్ లో 150 పరుగులు చేసి ఆలౌటయ్యారు. భారత బౌలర్లలో పేసర్లు మహ్మద్ షమీ 27 పరుగులిచ్చి 3 వికెట్లు తీయగా, ఉమేష్ యాదవ్ 47 పరుగులిచ్చి 2 వికెట్లు, ఇశాంత్ శర్మ 20 పరుగులిచ్చి 2 వికెట్లు, అశ్విన్ 43 పరుగులిచ్చి 2 వికెట్లు పడగొట్టారు. అనంతరం ఇన్నింగ్స్ ప్రారంభించిన భారత జట్టు తొలి వికెట్‌గా రోహిత్ శర్మ (6) పరుగులు చేసి ఔట్ అయ్యాడు. ప్ర‌స్తుతం 20 ఓవ‌ర్లు ముగిసే స‌మ‌యానికి 70 పరుగులు చేసింది. మయాంక్ అగర్వాల్ 22 పరుగులతో, పుజారా 43 పరుగులతో క్రీజులో కొనసాగుతున్నారు.
బంగ్లాదేశ్ తొలి ఇన్నింగ్ 150 ఆలౌట్
