కృష్ణా జిల్లా అవనిగడ్డ మండలం పులిగఢ్ఢకు చెందిన కౌలురైతు చిలకాల వీరయ్య (34) మంగళవారం పురుగులు మందు తాగి ఆత్మహత్య చేసుకున్నాడు. జీవనోపాధి కోసం రెండేళ్ల క్రితం బందరు మండలం ఎస్.గొల్లపాలెం శివారు కొత్తూరుకు వెళ్లాడు. అక్కడ ఆరు ఎకరాలు పొలం సాగుచేస్తూ ఆటో నడుపుకుంటూ జీవనం సాగిస్తున్నాడు. సాగుకోసం, ఆటో కొనేందుకు చల్లపల్లి ప్రైవేటు బ్యాంకులో 3.50అక్షలు అప్పు తీసుకున్నాడు. సాగులో నష్టాలు రావడం, వడ్డీలు పెరగడంతో కుటుంబ సభ్యులు, బంధువులు వద్ద భాధపడుతూ ఉండేవాడు. అప్పులు తీర్చేందుకు పులిగఢ్ఢలో ఉన్న ఇంటిని అమ్మేందుకు కొద్దికాలం క్రితం బేరం పెట్టినా. ఎవరూ ముందుకు రాలేదు. ఈ నేపధ్యంలో సోమవారం రాత్రి పులిగఢ్ఢ వచ్చాడు. ఇల్లు అమ్మాలనుకుంటున్నా కొనడానికి ఎవరూ రావడం లేదని, అప్పులు పెరిగి పోయాయని కుటుంభ సభ్యులు వద్ద భాధ పడ్డాడు. మంగళవారం ఉదయం పురుగులు మందు తాగగా అవనిగడ్డ ప్రభుత్వ వైద్యశాలకు తరలించగా చికిత్స పొందుతూ మరణించాడు. మృతునికి భార్య, ఇద్దరు కుమార్తెలు, ఒక కుమారుడు ఉన్నారు. ఈ మేరకు కేసు నమోదు చేసి దర్యాప్తు చేస్తున్నట్టు ఎసై సందీప్ చెప్పారు.