విజయనగరం (పార్వతీపురం టౌన్‌) : 1952 నాటి నుండి తన ఓటు హక్కును వినియోగించుకుంటున్న ఓ వృద్ధ రిటైర్డు ఉపాధ్యాయుడు ఆనాటి ఎన్నికలకు-ఈనాటి ఎన్నికలకు ఉన్న వ్యత్యాసాన్ని ప్రజాశక్తితో పంచుకున్నారు. గురువారం ఉదయం పార్వతీపురం టౌన్‌లో ఉన్న బి.జనార్ధనరావు రిటైర్డు టీచర్‌ (66) ప్రజాశక్తి విలేకరితో మాట్లాడుతూ.. 1952 నుండి ఓటు వేస్తున్నానన్నారు. ఆ రోజులకీ-ఈ రోజులకీ జరిగే ఎన్నికల్లో ఎంతో వ్యత్యాసం ఉందని పేర్కొన్నారు. ఆ రోజుల్లో ఎన్నికలు నియమబద్దంగా, పవిత్రంగా, సేవాభావంతో జరిగేవని.. ఇప్పుడు ప్రజలకు సేవ చేద్దామనే తలంపు ఏ ఒక్క రాజకీయ నాయకులకూ లేదని చెప్పారు. డబ్బు, కులం, మతం ప్రాతిపదికన ఎన్నికలు జరుపుకొని.. తీరా ఎన్నికల్లో గెలిచిన తరువాత అవినీతికి, అక్రమాలకు, బంధుప్రీతికి పాల్పడుతున్నారని ఆవేదన చెందారు.