నరసాపురం : పశ్చిమగోదావరి జిల్లా పర్యటన నిమిత్తం విజయవాడలో నరసాపురం ఎం.పి.గోకరాజు గంగరాజు నివాసం వద్దకు చేరుకున్న కేంద్ర జాతీయ రహదారులు, రోడ్ ట్రాన్స్ పోర్ట్ మంత్రి నితిన్ గడ్కరీని ఎమ్మెల్యే బండారు మాధవనాయుడు మర్యాదపూర్వకంగా కలుసుకున్నారు. రాజోలు నుండి మలికిపురం, సఖినేటిపల్లి, మీదుగా పోవు నరసాపురం రాష్ట్ర రహదారిని జాతీయ రహదారిగా మార్చుతూ తయారు చేసిన  డి.పి.ఆర్.నివేదికను ఆమోదించి, సదరు రహదారిని జాతీయ రహదారిగా గుర్తిస్తూ రహదారికి  నెంబర్ ను కేటాయించవలసిందిగా కోరారు. వసిష్ఠ వారధి నిర్మాణానికి నిధులు మంజూరు చేయాలనీ కోరుతూ ఎంపీ గోకరాజు గంగరాజుతో కలిసి ఎమ్మెల్యే బండారు మాధవనాయుడు నితిన్ గడ్కరీకి వినతి పత్రం అందచేశారు. శివకోడు నుండి నరసాపురం మీదుగా ప్రతిపాదించిన రహదారి సర్వే పూర్తైనందున ఈ కొత్త జాతీయ రహదారికి నెంబర్ కేటాయించాలని కోరారు. మరొకమారు నరసాపురం సఖినేటిపల్లి మధ్య వారధి నిర్మాణ ఆవశ్యకతను వివరించి వారధి నిర్మాణానికి, 216 జాతీయ రహదారి పనులకు నిధులు మంజూరు చేయాలని కోరారు.