పశ్చిమ గోదావరి : నరసాపురానికి నూతన డీఎస్పీగా కె.నాగేశ్వరరావు సోమవారం బాధ్యతలు స్వీకరించారు. 2012 బ్యాచ్‌ కు చెందిన నాగేశ్వరరావు గుంటూరు రూరల్‌ గురజాల, ప్రకాశం జిల్లా దర్శిలో పని చేశారు. సొంత ఊరు విజయనగరం జిల్లా పార్వతీపురం. ఈ సందర్భంగా డీఎస్పీ నాగేశ్వరరావు మాట్లాడుతూ.. సబ్‌ డివిజన్‌ పరిధిలో నేరాల నియంత్రణకు కృషి చేస్తానన్నారు. గల్ఫ్‌ మోసలపై ప్రజలకు అవగాహన కల్పిస్తామన్నారు. 2019 ఎన్నికల్లో శాంతి భద్రతల పర్యవేక్షణకు సమర్ధవంతంగా పని చేస్తామని తెలిపారు. బాధ్యతలు స్వీకరించిన డీఎస్పీ నాగేశ్వరరావును నరసాపురం సిఐ బి.కృష్ణ కుమార్‌, నరసాపురం టౌన్‌, రూరల్‌, మొగల్తూరు ఎస్సైలు కె.చంద్రశేఖర్‌, ఏజీఎస్‌ మూర్తి, షేక్‌ మదీనా బాషా, తదితరులు పుష్పగుచ్ఛం ఇచ్చి అభినందించారు.