విజయనగరం టౌన్‌ : విజయనగరంలో సోమవారం దారుణం చోటు చేసుకుంది. భార్యపై అనుమానంతో భర్త ఆమెను కర్రతో కొట్టి చంపాడు. విజయనగరం కలెక్టరేట్‌ పక్కనే ఉన్న 29 వ వార్డు కనపాకలో చాకలి వీధికి చెందిన రజకుడు సన్యాసిరావు అనే వ్యక్తి తన భార్యపై అనుమానంతో ఈ రోజు ఉదయం ఆమె తలపై కర్రతో కొట్టి చంపాడు. భార్య తప్పుగా తిరుగుతుందనే అనుమానంతోనే ఆమెను చంపానని పోలీసుల ఎదుట ఒప్పుకున్నాడు. పోలీసులు కేసు నమోదు చేసుకొని దర్యాప్తు చేపట్టారు.