వేసవి ముదురుతోంది. ఎండలు మండిపోతున్నాయి. సూర్యరశ్మి ప్రభావం, అత్యధిక ఉష్ణోగ్రతల వల్ల వెంట్రుకలు నిగనిగలాడటానికి తోడ్పడే ప్రొటీన్‌ దెబ్బతింటుంది. సూర్యరశ్మిలోని అతినీలలోహిత కిరణాలు జుత్తు మీద విపరీత ప్రభావాన్ని చూపిస్తాయి. ఈ సీజన్లో మహిళలు తమ కురుల సంరక్షణకు మరిన్ని జాగ్రత్తలు తీసుకోకతప్పదు. అవేమిటంటే...
- వెంట్రుకలకు కండిషనర్‌ను రాసి, కొద్దిసేపు షవర్‌ క్యాప్‌ ధరించాలి. ఇది ఎండకు ప్రభావితమైన కురులు తిరిగి కోలుకోవటానికి తోడ్పడుతుంది.
- వేసవిలో వెంట్రుకలు, చెమటతో మాడు జిడ్డుగా అవుతాయి. అందువల్ల తరచూ షాంపూతో తలస్నానం చేస్తే వెంట్రుకలు నిగనిగలాడతాయి.
- ఎక్కువసేపు ఎండలో తిరగాల్సి వస్తే వెడల్పయిన అంచు గల టోపీ ధరించటం మంచిది. ఇది వెంట్రుకలతో పాటు చెవులు, మెడకూ రక్షణ ఇస్తుంది.
- వాతావరణం చాలా వేడిగా ఉన్నప్పుడు వెంట్రుకలు చిక్కుపడే అవకాశం ఎక్కువ. జుట్టు చిక్కు పడకుండా చేసే నూనెలు వాడుకోవాలి.
- ఈతకు వెళ్లేవాళ్లు ముందుగా మంచి నీటితో తలను పూర్తిగా తడపాలి. దీనివల్ల ఉప్పునీటిని, కొలనులోని రసాయనా లను వెంట్రుకలు స్వీకరించవు.
- ఈత కొట్టాక తలను శుభ్రంగా తుడుచుకోవటం మంచిది. తగినంత నీరు తాగుతూ ఒంట్లో నీటిశాతం తగ్గకుండా చూసుకోవచ్చు. ఇది వెంట్రుకలకు మేలు చేస్తుంది.
- వేడినీటితో తలస్నానం చేస్తే వెంట్రుకలు పొడిబారతాయి. అదే చల్లనీరు వెంట్రుకల పైపొర మూసుకుపోయేలా చేసి, లోపలి తేమను పట్టి ఉంచుతుంది.
ఎండల్లో జుట్టు జాగ్రత్త!
