ఢిల్లీ : ఐఎన్‌ఎక్స్‌ మీడియా మనీలాండరింగ్‌ కేసులో కేంద్ర మాజీ ఆర్థిక మంత్రి పి.చిదంబరం.. బెయిల్‌ కోసం సుప్రీం కోర్టును ఆశ్రయించారు. సోమవారం చిదంబరం తరపు న్యాయవాది సుప్రీం కోర్టులో బెయిల్‌ పిటిషన్‌ దాఖలు చేశారు. ఈ పిటిషన్‌ను విచారించేందుకు సుప్రీం కోర్టు అంగీకరించింది. ప్రధాన న్యాయమూర్తి జస్టిస్‌ ఎస్‌ఎ బబ్డే నేతఅత్వంలోని ధర్మాసనం మంగళవారం లేదా బుధవారం ఈ పిటిషన్‌ను విచారించనుంది.
ఈడీ దర్యాప్తు చేస్తున్న ఐఎన్‌ఎక్స్‌ మీడియా కేసులో చిదంబరం దాఖలు చేసిన బెయిల్‌ పిటిషన్‌ను ఢిల్లీ హైకోర్టు శుక్రవారం తోసిపుచ్చింది. ఈ కేసులో చిదంబరం కీలక పాత్ర పోషించినట్టు కోర్టు అభిప్రాయపడింది. చిదంబరానికి బెయిల్‌ ఇస్తే, సమాజానికి తప్పుడు సందేశం పంపినట్టు అవుతుందని కోర్టు అభిప్రాయపడింది. బెయిల్‌ పిటిషన్‌ ను ఢిల్లీ హైకోర్టు తోసిపుచ్చడంతో చిదంబరం సుప్రీం కోర్టును ఆశ్రయించారు.