- మంత్రి రావెల కిశోర్‌బాబు
ప్రజాశక్తి-గుత్తి
            రాష్ట్రంలోని క్రిష్టయన్‌ మైనార్టీల సంక్షేమానికి ప్రభుత్వం కృషి చేస్తోందని సాంఘిక సంక్షేమ శాఖ మంత్రి రావెల కిశోర్‌బాబు పేర్కొన్నారు. పట్టణంలోని బైబిల్‌ మిషన్‌ను శుక్రవారం ఆయన సందర్శించారు. ఈ సందర్భంగా ఆయన మాట్లాడుతూ రాష్ట్ర విభజన అనంతరం ఆర్థిక లోటు ఉన్నా ముఖ్యమంత్రి చంద్రబాబు నాయుడు అన్ని వర్గాల అభివృద్ధి కోసం శ్రమిస్తున్నారన్నారు. విశాఖపట్నంలో క్రైస్తవ భవన్‌ నిర్మాణానికి ప్రభుత్వం రూ.పదికోట్లు మంజూరు చేసిందన్నారు. ఈ కార్యక్రమంలో జిల్లాపరిషత్‌ ఛైర్మన్‌ చమన్‌సాబ్‌, ఎమ్మెల్యే జితేంద్రగౌడ్‌, మున్సిపల్‌ ఛైర్‌పర్సన్‌ తులసమ్మ, కౌన్సిలర్లు గోవిందు, రమేష్‌, సరస్వతి, టిడిపి ఎస్సీ సెల్‌ రాష్ట్ర కార్యదర్శి దిల్‌కాశీన, మోహన్‌గౌడ్‌ తదితరులు పాల్గొన్నారు.

పెళ్లి సంబంధం కోసం వెతుకుతున్నారా?... అందుకు సరైన వేదిక‘ప్రజాశక్తి పెళ్లిపుస్తకం’. వెంటనే రిజిస్టర్ చేసుకోండి - రిజిస్ట్రేషన్ ఉచితం